Земјотрес со јачина од 7,1 степени ја погоди јужна Калифорнија, оштетувајќи згради и патишта, а има и повредени, објавија локалните власти.
Епицентарот на земјотресот беше во близина на Риџкрест, на околу 240 километри од Лос Анџелес, на длабочина од околу 900 метри. Новиот потрес ги оштетил патиштата во тој дел од Калифорнија.
Како што известува Си-Ен-Ен, во градот имало материјална штета, а неколку лица биле повредени. Луѓето во паника бегале на улиците.
Директорката за комуникации на противпожарната бригада на округот Керн вели дека добиле голем број повици за повредени, како и за пожари.
