Збунетиот Трамп не очекуваше цела сала во ОН да му се смее (ВИДЕО)

Напишано од
Плусинфо
-
2902

Американскиот претседател Доналд Трамп на почетокот на говорот во Обединетите Нации предизвика гласно смеење од присутните во салата на Генералното собрание.

Светските медиуми ја пренесоа оваа необична ситуација кога американскиот претседател го започна својот говор со реченицата „за помалку од две години, мојата администрација постигна повеќе од било која во историјата на САД“. Тоа прво предизвика комешање, а многумина од учесниците на Генералното собрание не можеа да се воздржат и почнаа гласно да се смеат. Збунетиот Трамп почна и тој да се смее и рече дека не очекувал вакво нешто, но набрзо продолжи со своето излагање.

– Не очекував ваква реакција, но тоа е нормално – збунето проговори Трамп, па продолжи да зборува за растот на економијата, намалување на невработеноста и други негови успеси.

За тоа време претседателот на Турција, Реџеп Тајип Ердоган ја напушти салата каде се одржуваше Генералното собрание.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...

Други вести во рубриката