Премиерот Зоран Заев оствари средба со претставници на компаниите Devoli Group од Косово и OAPI Ltd од Израел.
Претставниците на компаниите на средбата ги презентираа своите планови за инвестирање во Македонија, во областа на земјоделството, сточарството, месната и месо-преработувачката индустрија.
Како што соопшти владината прес-слуќба премиерот Заев, ја поздравил заедничката иницијативата на двете компании и истакна дека ги поддржува нивните иницијативи за преземање понатамошни чекори во продлабочувањето на комуникацијата со економските тимови и тимовите на соодветните институции на Република Македонија, со цел, навремено, детално и професионално постапување во насока на изнајдување на најдобри можни решенија за реализација на нивните планови за инвестирање.
Тој, исто така потенцирал дека зголемениот интерес за инвестирање е резултат од новите економски мерки на Владата, кои привлекуваат инвеститори од целиот свет.
