Со разрешени бариери, проблеми и пречки, без ниту едно отворено билатерално прашање, Македонија конечно може да прави крупни чекори напред за развој на економијата, изјави премиерот Зоран Заев денеска во Велес на трибината „Силна економија – шанса за сите“
– Сега мора да работиме. Сите. И Владата, и Парламентот, и граѓаните и бизнимените. Прогресот ќе зависи само од нас. Железни опинци ќе облечам, просечна плата од 500 евра во Македонија ќе има.Државата ќе ја биде, само ако народот има пари, а во таа насока се фокусирани и владините политики – рече Заев.
Според него, Македонија има капацитет и тоа мора да го искористи, да овозможи луѓето достоинствено да заработуваат и да живеат, младите да не си одат.
На трибината која ја организира владата во повеќе градови во змејава присуствуваше и вицепремиерот Кочко Анѓушев.
Трибините „Силна економија – шанса за сите“ ги започна владата за да отвори деба со граѓаните на економски теми- економските остварувања и политики како и предизвиците и перспективите кои се отвораат за економски развој на земјата со членството во НАТО и започнувањето на преговори со ЕУ.
Трибините со граѓаните „Силна економија – шанса за сите“ се отворени за медиумите и за учество на граѓаните.
