Задарската полиција спречила обид за криумчарење мигранти во областа Доњи Срб, каде што било запрено комбе со мигранти, откако полицајците кон него испукале повеќе куршуми, пренесува Макфакс.
Инцидентот се случил во средата околу 22 часот, а полицијата го сопрела комбето со мигранти благодарение на претходна дојава, објави „Хина“.
Мигрантите биле во комбе со странски регистарски ознаки, а се претпоставува дека илегално ја преминале границата со БиХ.
Кога јавидел полицијата возачот скокнал од комбето и побегнал во шумата, а во возилото биле пронајдени 29 странски државјани од неколку земји, меѓу кои и две деца повредени од пукањето со огнено оружје и повеќе повредени поради опасното возење.
Како што се наведува, повредените деца биле префрлени во болницата во Задар и не се во животна опасност.
