Заврши гласањето за вториот круг претседателски избори во Хрватска. Точно во 19 часот беа затворени сите гласачи места, јави дописникот на МИА од Загреб.
Уште пред првичните резултати од пребројувањето на гласовите, хрватските медиуми ги објавија резултатите од своите изборни анкети, кои првично покажуваат водство на кандидатот на СДП Зоран Милановиќ со 53,25 отсто од гласовите.
Колинда Грабар-Китаровиќ и ХДЗ, според овие анкети, добила 46,75 проценти од гласачите.
Излезноста во вториот круг, во споредба со првиот, е поголема за околу 120.000 гласачи.
