Шефицата на Канцеларијата на Европската унија во Приштина Наталија Апостолова упати критики на сметка на Владата на Рамуш Харадинај, поради доцнење во исополнувањето обврски од европската агенда, јавува дописникот на МИА од Приштина.
Апостолова, која вчера присуствуваше на седницата на косовската Влада, посебно се осврнала на незавршените обврски од Агендата на европски реформи (ЕРА), пишува денеска „Коха Диторе“.
Станува збор за документ со кој се одредуваат приоритетите од Договорот за стабилизација и асоцијација со ЕУ, кои требало да бидат завршени во 2017 година, а се пренесени за оваа година и се уште нема знаци дека ќе се завршат во догледно време.
Генерално земено, меѓународните претставници во Приштина се незадоволни од динамиката на работа која ја гледаат кај оваа Влада, пишува приштинскиот весник.
ФОТО: Твитер
