Турскиот претседател Реџеп Тајип Ердоган, еден ден откако опозицискиот кандидат ја презеде функцијата градоначалник на Истанбул, денеска изјави дека неговата Партија на правдата и развојот ќе се бори се додека Високата Изборна комисија не донесе конечна одлука за изборите одржани на 31 март.
После 17 дена приговори и повторно пребројување, Екрем Имамоглу вчера ја презеде должноста, и покрај барањето на партијата на Ердоган изборите за градоначалник на Истанбул да бидат поништени и повторени.
Во разговор со членовите на синдикатот, Ердоган рече дека Турција треба ефективно да ги искористи наредните четири и пол години до следните редовни избори со цел решавање на економските и безбедносните проблеми.
ФОТО: EPA / ERDEM SAHIN
Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.
