Доналд Трамп и Ким Џонг Ун потпишаа историски документ во Сингапур (ВИДЕО)

Водачот на Северна Кореја Ким Џонг Ун и Претседателот на САД Доналд Трамп на историската средба во Сингапур потпишаа заеднички документ. Ким Џонг Ун и јас развивме специјална врска, рече Доналд Трамп. МНогу брзо почнува процесот на денакуларизација, најави претседателот на Соединетите Држави.

Напишано од
Плусинфо
-
744

Водачот на Северна Кореја Ким Џонг Ун и Претседателот на САД Доналд Трамп на историската средба во Сингапур потпишаа заеднички документ и срдечно се ракуваа со што испишаа нова страница во историјата. „Ким Џонг Ун и јас развивме специјална врска“, рече Доналд Трамп. „Многу брзо почнува процесот на денакуларизација“, најави претседателот на Соединетите Држави.

– Ми беше особена чест да бидам со тебе – му рече Доналд Трамп по потпишувањето на документот на лидерот на Северна Кореја.

По потпишувањето, Трамп беше запрашан од новинарите дали Ким се согласил на денуклеаризација, што беше главна цел на состанокот.

– Овој процес го започнуваме брзо, многу, многу брзо, апсолутно – рече американскиот претседател.

Запрашан дали ќе го покани Ким во Белата куќа, Трамп рече дека „апсолутно“ ќе го стори тоа.

Додека стоеја пред знамињата на двете земји, Трамп и Ким за последен пат се ракуваа во Сингапур, градот домаќин на нивната средба.

– Тој е достоен преговарач – им изјави Трамп на новинарите, истакнувајќи дека Ким дошол во име на својот народ.

Новинарите го прашаа Трамп и што научил за лидерот на Северна Кореја. „Научив дека тој е многу талентиран човек и научив дека тој многу ја сака својата земја“, рече претседателот на САД, најавувајќи дека повторно ќе се состане со Ким.

Пред потпишувањето на документот, Трамп рече дека средбата со севернокорејскиот лидер поминала подобро од очекуваното.


Американскиот и севернокорејскиот лидер, Доналд Трамп и Ким Јонг Ун, топло разговараа за време на 38-минутната средба зад затворени врати во присуство само на преведувачите.

Двајцата по излегување од состанокот зад затворени врати, срдечно раговараа и се насмевнуваа еден на друг, пред да им се придружат на ручекот дипломатите од двете делегации, јавуваат медиумите.

До историскиот состанок дојде по неколкумесечните дипломатски надмудрувања меѓу САД и Северна Кореја.

ФОТО:EPA-EFE/FRANCK ROBICHON, EPA-EFE/KEVIN LIM

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...

Други вести во рубриката