Модните креатори Доменико Долче и Стефано Габана не планираат да ја продадат својата компанија, истакнувајќи дека по нивната смрт никој нема да ги наследи нивните места.
– Кога ќе заминеме од овој свет, не сакам некој јапонски креатор да почне да работи за Долче и Габана, истакна Стефано, додавајќи дека тој и Доменико по прекинот на љубовната врска одлучиле да не ја продаваат модната куќа, ниту да ја наследи некој од нивните семејства.
Габана додава дека не би сакал, во случај на смрт, да го наследи „некој роднина кој не знае ништо за бизнисот и на тој начин да ја уништи фирмата“.
Долче истакна дека двајцата не сакаат да ја продадат модната куќа и не им е важно да имаат многу пари, туку да работат и да бидат успешни во својот бизнис.
И едниот и другиот тврдат дека по прекинот на љубовната врска и понатаму имаат нераскинлив однос.
– Се што е мое, и негово е. Се што е негово, и мое е. Нашите партнери го знаат тоа и ако им одговара, тогаш е во ред, ако не им одговара, тогаш повторно е во ред, вели Долче.
Модната куќа „Долче и Габана“ е позната по луксузната облека која ја носат славни личности.
