Многумина со нетрпение го очекуваат Светското првенство во фудбал и поради албумот со сликички за СП.
Се купуваат сликички, менуваат дупликати, а најголемите фанови го пополнуваат албумот до последна сликичка.
Осумгодишник од Бразил немал среќа да го добие албумот со сликички и решил самиот да го направи. Со денови трпеливо го правел албумот, и потоа почнал да ги црта сликичките на славните фудбалери, бидејќи мајка му немала пари да му купи албум и сликички.
– Кога го заврши, рече дека ќе го однесе во училиште. Стравував дека ќе го исмеваат – вели мајката на детето.
Но, децата во класот се водушевиле.
– Би сакал да сум креативен како него и така добро да цртам – рекло другарче на детето.
