Министерката за правда Рената Дескоска денеска во Министерството за правда оствари работна средба со претседателот на Синдикатот на работниците од управата, правосудните органи и здруженијата на граѓани (УПОЗ), Пеце Груевски.
На средбата се разговараше за статутот и положбата на вработените во судската и јавнообвинителската служба, а беа отворени и прашања околу потпишување на социјален договор со Синдикатот, како и за измените на Законот за судските службеници.
– Моја искрена заложба е посигурно живеење и работење на граѓаните – отворени сме за соработка со Синдикатот на УПОЗ и социјалниот дијалог со синдикатот ќе го подигнеме на повисоко ниво за изнаоѓање решение за отворените прашања – рече министерката за правда Рената Дескоска.
За време на средбата, од двете страни беше изразена заложба за унапредување на натамошната соработката помеѓу синдикатот и Министерството за правда во делот на законските измени кои се однесуваат на судските службеници.
