Стапката на ДДВ за станови останува повластена пет отсто во следните пет години, изјави денеска министерот за финансии Драган Тевдовски.
– Министерството направи измени и во Законот за ДДВ со кој се продолжува повластената стапка на ДДВ од пет отсто заклучно до 2023 годинa- рече Тевдовски.
Продолжување на важењето на повластената стапка на ДДВ за прв промет на стан побараа градежниците. Тие посочија дека враќањето на повисоката стапка од 18 отсто ќе ги поскапи становите за најмалку 13 отсто, што би го намалило прометот за 2 до 3 пати, а би се намалил и приливот во државната каса.
Во изминативе години цената на станбениот квадрат континурирано опаѓа и е намалена за околу 11 отсто.
Повластената стапка на Данокот на додадена вредност за прва продажба на станови е донесена во 2011 година со важност од пет години и ова е второ негово продолжување.
