Мрежата за финансиска одржливост на граѓанските организации која ја сочинуваат 70 граѓански организации бара измени во Законот за сметководство на непрофитните организации.
За таа цел преку проектот „Промени за одржливост“ финансиран од Европската Унија подготви и анализа на законот кој им ја испрати до институциите.
Анализата е подготвена од „Конект“, Фондација „Аполонија“ и Центарот за даночна политика.
Препораките во анализата која е испратена до институциите се подлога за започнување дијалог за промените и треба да им користи на институциите при дефинирањето на идните измени на Законот.
Законот за сметководство на непрофитните организации ги пропишува сметководствените принципи и правила, како и основните финансиски информации по кои известуваат граѓанските организации.
