Кога се говори за влијателни девојки, за Инстаграм, за модни икони, секогаш повеќето луѓе помислуваат на млади жени, поточно на оние што се родени во доцните 80-ти и деведесетите години. Но, повозрасните дами, се повеќе го пронаоѓаат својот пат на социјалните мрежи.
Неколку дами веќе неколку пати го излудуваат интернетот, а отворено покажуваат дека животот не запира после 60-тата година. Без разлика дали се мажени или не, дали работат или уживаат во своите пензионерски денови, повеќето од нив се баби, а на Инстаграм имаат куп следбеници, благодарение на нивните совети за животен стил и модниот вкус.
Овие жени ја менуваат сликата за тоа како би требало да изгледа реалноста и како во староста би требало да се чувствуваат жените.
Лин Слејтер, која има 64 години, е професорка на Универзитетот Фордхам во Њујорк, а на пошироката јавност и е позната како Инстаграм идол. Таа има повеќе од 520.000 следбеници на оваа социјална мрежа.
– Немам 20 години. Не ни сакам да имам 20 години, но сум неверојатно кул. На тоа мислам кога објавувам фотографии – рекла Слејтер, објави „Њујорк тајмс“.
Седумдесет и едногодишната Џени Ки пак рекла дека не сака да биде стара женичка која седи во дом за стари лица со виолетова коса.
Џени инаку се занимава со дизајн, а нејзините следбеници на Инстаграм (повеќе ид 32.000 корисници) се воодушевени од нејзиниот стил.
– Ако завршиме во дом за стари лица, ќе пушиме марихуана, ќе јадеме здрава храна и ќе имаме одличен стил – додава Џени за својот план за иднината, што не се вклопува во стереотипи.
Дека стилот и грациозноста немаат никаква врска со годините го докажува и некогашната Плејбој зајачица Дори Џејкобсон, која веќе е навлезена во деветтата деценија од животот.
Дори (83) на својот профил на Инстаграм рекламира долна облека и покажува како луѓето да се облекуваат модерно и со вкус и во третото животно доба.
– Носете го она што ви се допаѓа, а она „соодветно на годините“ нема никаква врска со тоа – порачува Дори.
Без разлика дали носи шарени џемпери, оскуден костим за капење или розова маица со натпис „Биди проститутка, работи што ќе посакаш“, Вен Винкл стекна култен статус, а ја следат повеќе од милион луѓе на Инстаграм.
Вен е амбасадорка на голем број брендови за нега на коса, тело и светски познат производител на вотка.
