Гаши за „Зери онлајн“ изјави дека сите досега повикани на сосолушвање, чии имиња се објавени, се повикани како осомничени за злосторства извршени врз Срби во текот на конфликтот во Косово.
– Сите кои се повикани во Хаг, иако тоа не го кажуваат, се повикани во својство осомничени, а не на сведоци, а по нивните изјави Обвинителството може да бара да бидат уапсени, изјави Гаши.
Тој додаде дека сите тие добро знаат во кое својство се повикани и какви се нивните права.
– Обвинителството во повиците испрати и писма во кои се бара одредена документација, истакна Гаши, додавајќи дека сите повикани ќе бидат сослушани во Хаг, а не во Косово.
Тој смета дека оваа година ќе биде година на Специјалниот суд
Претходно беше обелоденето дека покани за сослушување добиле поранешните команданти и припадници на ОВК, Рустем Мустафа, Сокол Добруна, Назиф Мехмети, Сами Луштаку, Ремзи Шаља и Сафет Шаља.
