Официјални лица на Хаваите предупредија жителите да останат во затворени простории, а авионите да го заобиколуваат критичното подрачје каде што вулканот Килауеа исфрли облак од пепел во висина од 3 и пол километри, а пепелта паднала на локации оддалечени дури и 30 километри од вулканот.
Исто така, постои и закана од нова ерупција на вулканот Килауеа.
Вулканот може да се затвори како што нивото на магмата во кратерот се спушта, па долу може да се акумулира силен притисоки тој да еруптира силно, појаснува научникот Кумбс за Си-Ен-Ен.
Покрај пепелта, која не е токсична, жителите на Големиот Остров на Хаваите треба да внимаваат и на гасот сулфур диоксид.
Took a real serious whiff of sulphur dioxide today near a vent and lava flow at Leilani Estates. The sensor in my hand was beeping and reached 66ppm. I couldn’t breathe, and eyes and lungs burned momentarily. It may have actually been the worst 10 seconds of my life. #Kilauea pic.twitter.com/aABWHyFcTl
— Scott McLean (@scottmclean) May 15, 2018
Скот Меклин, дописникот на Си-Ен-Ен, го опиша на Твитер чувството при вдишување на отровниот гас, „Навистина сериозно вдишав сулфурен диоксид покрај една од вулканските пукнатини. Сензорот што го имав во рака свиркаше и детектира 66 ppm честички. Не можев да дишам, а очите и белите дробови веднаш почнаа да ме печат. Тоа беа најлошите десет секунди во мојот живот“.
ФОТО: јутјуб
