Српскиот министерот за одбрана Александар Вулин изјави дека за Србија прифатливо компромисно решение за Косово е „разграничување и запирање на ширењето на Голема Албанија”.
Вулин, во интервју за весникот „Курир“ рече дека очекува Приштина да продолжи со провокации и обиди да го прекине дијалогот.
– Тие знаат дека преговорите со (претседателот Александар) Вучиќ не се добри за нив, а тоа тешко го прифаќаат – оцени Вулин.
На прашањето како тоа ниту по шест месеци по убиството на Оливер Ивановиќ, истрагата на властите во Приштина не даде резултати, тој рече дека „на Приштина и многумина од меѓународната заедница им одговара да не се реши случајот”.
– Би сакал да имаме целосна контрола што ќе ни овозможи да го решиме злосторството, но немаме и затоа нашите можности се намалени – изјави Вулин, додавајќи дека „нема да престанат да ги бараат убијци на Ивановиќ”.
На 16 јануари 2018 во Косовска Митровица беше убиен Оливер Ивановиќ, пред вратата на неговата канцеларија.
