Увозните цени на горивата во земјава во јуни годинава се повисоки за 0,8 отсто во однос на претходниот месец и за 41,7 отсто во споредба со истиот месец лани, објави Државниот завод за статистика.
Кај моторниот бензин има зголемување на цената за 0,5 отсто на месечно ниво, а 36 отсто на годишно ниво. Кај горивата за млазни мотори од бензински тип или керозин зголемувањето е 4,4 отсто на месечно и 43,4 отсто на годишно ниво, кај дизелот, пак, е 0,3 на месечно и 44,5 на годишно ниво.
Зголемување од 2,8 отсто на месечно ниво и 39,3 отсто на годишно е забележано кај мазутот, а кај пропан и бутан, односно течно ТНГ гориво зголемувањето е 1,9 отсто на месечно и 28, 6 отсто на годишно ниво.
