Најмалку девет лица загинаа, а 21 се повредени во директен судар меѓу патнички автобус и камион во руската Јарославска област, јавија руските медиуми, пренесувајќи ги локалните власти.
Според последните информации, во инцидентот има 30 настрадани лица, од кои девет загинале.
-Меѓу повредените има и дете, но неговата возраст не се прецизира, изјави портпаролот на јарославската полиција.
Девет возила на Брзата помош се пристигнати на местото на несреќата. До неа дошло откако камионот заради засега непознати причини навлегол во спротивната коловозна лента и директно удрил во автобусот.
