Музејот на Македонија вечерва во 20 часот ќе биде домаќин на два настани, промоција на книгата „Не е шега: дискиминација и цензура“ и џез концерт на Тони Китановски и неговите студенти.
Промотор на книгата ќе биде доц. д-р Ана Никодиновска Крстевска, која заедно со проф. м-р Јана Јакимовска ја уредуваше оваа публикација. Книгата е концентрирана на темите дискриминација и цензура, коишто беа обработувани од студентите на Универзитетот „Гоце Делчев“, и тоа преку текстови и изработка на плакати.
Професор Тони Китановски е истакнат македонски џез музичар и педагог, кој во оваа пригода ќе диригира неколку композиции што ќе бидат изведени од неговите талентирани студенти.
Со оваа промоција и концерт се финализира настанот „Не е шега: дискирминцација и цензура“, којшто во периодот од 1 до 10 април го организираа Универзитетот „Гоце Делчев“ и Музеј на Македонија.
