Полицијата во Белград уапсила осум лица осомничени дека со фалсификувани документи, продавале станови на починати, како и станови во соспственост на Градот, соопштило Министерството за внатрешни работи на Србија.
Тие се уапсени во соработка со Обвинителството за организиран криминал, а осомничени се дека како криминална група извршила кривични дела здружување поради врешење кривични дела и измама.
Тие се осомничени дека становите на починатите и на Градот Белград, со фалсификувани документи, ги внеле во земјишните книги на Републичкиот геодетски завод на некој од нив и пота ги продавале под пазарната цена.
На овој начин криминалната група стекнала противправна корист од 30 милиони динари или околу 253 илјади евра.
Полицијата пронашла подготвени фалсификувани договори за купопродажба на недвижности, договори за откуп на станови, потврди дека во целост се исплатени становите и повеќе десетици фалсификувани печати од државни институции.
