Со посебен указ бразилскиот претседател Жаир Болсонаро ѝ нареди на војската да помогне во борбата со пожарите во Амазонија.
– Бразилските сили од сабота ќе се распоредат во пограничните подрачја и во други погодени области во Амазонија, стои во соопштението.
Европските лидери извршија силен притисок врз бразилскиот претседател. Франција и Ирска се заканија дека нема да потпишат големи трговски договори со јужноамерикански земји, доколку Бразил не стори повеќе во борбата со пожарите.
Во меѓувреме и американскиот претседател Доналд трамп разговарал со Болсонаро и понудил помош за гасењето на пожарите во Амазонската прашума.
– Штотуку разговарав со претседателот на Бразил.Нашите изгледи за идна трговија се возбудливи и нашиот однос е силен, можеби посилен од кога и да е порано – објави Трамп на Твитер и додал дека понудил помош во гасењето пожари.
Just spoke with President @JairBolsonaro of Brazil. Our future Trade prospects are very exciting and our relationship is strong, perhaps stronger than ever before. I told him if the United States can help with the Amazon Rainforest fires, we stand ready to assist!
— Donald J. Trump (@realDonaldTrump) August 23, 2019
