Американски борбен авион Ф-18 полета и слета на носачот на авиони „Теодор Рузвелт“ во Јужно Кинеско Море, а летот траел 20 минути.
Станува збор за рутинска вежба во Јужното Кинеско Море, во кое често изведуваат вежби Кина, Јапонија и морнариците на другите азиски земји.
– Видовме кинески бродови околу нас. Тие се една од морнариците кои дејствуваат во Јужното Кинеско Море, а можам да кажам дека не видов ништо освен професионална работа, изјави командирот на јуришната група адмирал Стив Коен.
Морнариците на земјите од регионот на западен Пацифик, вклучувајќи ја и Кина и уште девет азиски држави, работат на законик за непредвидени средби на море, со цел да се избегнат судири.
Американскиот носач „Теодор Рузвелт“ стаса во Јужното Кинеско Море по големите воздушни и морнарички вежби на Кина.
ФОТО: wikimedia
