Босна и Херцеговина е првата земја во светот со сообраќаен знак што ги предупредува возачите да внимаваат на лилјаци.
Центарот за спелеологија од Сараево на пат кај пештерата Пониква, помеѓу Вареш и Олово, го постави првиот сообраќаен знак на кој е претставен лилјак во лет и под кој пишува: „Намалете ја брзината, лилјаци во лет“.
Кај оваа пештера живеат два ретки вида лилјаци, кои се загрозени по модернизацијата на патниот тунел. Поради новите светилки и асфалтот, возилата се движат побрзо и сѐ почесто удираат во лилјаците во тесниот тунел, во кој летечките цицачи немаат простор да избегаат.
И тунелот е посебен, бидејќи е меѓу петте во светот што по целата должина поминува низ пештера.
