Ватикан го прифати барањето на бискуп од Индија да биде привремено ослободен од своите свештенички должности, откако полицијата го испрашува втор ден по обвинение дека силувал калуѓерка.
Кардиналот Освалд Грасиас, претседател на конференцијата на католичките бискупи на Индија, изјави дека папата Франциксо го добил барањето на бискупот да биде привремено ослободен од свештеничките обврски.
Монахиња од јужната индиска држава Керала го обвини бискупот Франко Мулакал, кој раководи со бискупијата во Џаландхар дека ја силувал во неколку наврати во текот на две години.
Против бискупот не се покренати обвиненија. Тој ги негира исказите на монахињата и вели дека сака да го заштити своето име. Бискупот побара од Ватикан привремено да се повлече, во време кога се повеќе растат повиците за негово апсење.
– Земајќи ги предвид сите околности, Светиот Отец го прифати неговото барање – велат од Ватикан.
Христијанската заедница, која брои 19 проценти од населението на државата, е потресена од пад на доверба, поврзана со зголемувањето на случаите на сексуални напади во кои учествуваат црковни лица.
Католичката црква се соочува со глобална криза поврзана со сексуалното вознемирување на свештеници врз малолетници.
ФОТО: Твитер
