Поранешниот директор на американската Централна разузнавачка агенција (ЦИА), Џон Бренан го обвини претседателот на САД за обид за ограничување на слободата на говорот и за казнување на критичарите, поради одлуката да му забрани пристап до доверливи информации.
– Тоа треба да ги загрижи сите Американци, вклучително и разузнавачките професионалци, за цената што ја плаќаат кога ќе проговорат јавно. Моите принципи вредат повеќе од пристапот до информации. Нема да се повлечам – порача Бренан.
Трамп му забрани на Бренан пристап до доверливи информации, обвинувајќи го дека го злоупотребувал пристапот до нив и дека „сее хаос и поделби“ во американската Администрација.
Извори од Белата куќа инфромираа дека Трамп ќе им забрани пристап до доверливи информации и на некои други поранешни високи официјални претставници на американската Администрација, но нивните имиња засега не се соопштени.
ФОТО: EPA SHAWN THEW
