На сцената на Македонската опера и балет во среда во 20 часот ќе биде изведено оперското ремек дело „Боеми“ од Џакомо Пучини.
Операта e во четири чина, чие дејство се одвива во Париз кон крајот на 19 век, а чие либрето се базира на “Сцени од животот на боемите” на Хенри Мургер.
Улогите ги толкуваат: Сандра Митровска, Ѓорѓи Цуцковски, Марјан Јованоски, Андреа Ѕаупа (Италија), Владимир Саздовски, Билјана Јосифов, Невен Силјановски, Борко Биџовски, Јане Дунимаглоски, Димитар Кожухаров, Диме Петров.
Во претставата учествуваат хорот и оркестарот на МОБ.
