Во Холивуд синоќа беа доделени наградите според изборот на американско-канадските критичари, а онаа за најдобар филм ја доби „Беше еднаш во Холивуд“, на Квентин Тарантино. Филмот, според критичарите, го има и најдоброто оригинално сценарио.
Наградата за најдобра машка главна улога отиде кај Хоакин Феникс за филмот „Џокер“. Онаа за најдобра глумица – кај Рене Зелвегер за „Џуди“.
Наградата за режисер на годината ја поделија Бонг Џун Хо за филмот „Паразит“ и Сем Мендез за „1917“.
Најдобри споредни актери се Бред Пит („Беше еднаш во Холивуд“) и Лора Дерн („Брачна приказна“).
За најдобар млад глумец е прогласен Робин Грифин Дејвис во филмот „Џоџо Рабит“.
Најдоброто адаптирано сценарио, според критичарите, го има „Прекрасен ден во соседството“. Тоа е напишано од Ноа Харпстер и Мика Фицерман-Блу.
