Новосадскиот кантавтор Ѓорѓе Балашевиќ купил вила во Истра за која издвоил 400.000 евра, пишуваат хрватските медиуми.
Вилата се наоѓа во малото питореско место Бртонигла, недалеку од Умаг.
Секоја од овие луксузни вили има повеќе од 200 метри квадрати. Освен тоа има и гаража за два автомобили, голема дневна соба, четири спални соби со посебни купатила, надворешна и внатрешна кујна, сауна и џакузи, базен од 40 метри.
Во близина на вилата се наоѓа и парк, а морето е на шест километри.
Околу вилата на Балашевиќ има уште осум идентични вили на идните богати сопственици.
