Пратениците на севернорискиот Парламент денеска се собраа за првпат по три години пауза откако вчера беше постигнат договор за поделба на власта во овој британски регион.
Пратениците во Белфаст бираа влада која ќе ја водат пробританската Партија на демократските унионисти (ДУП) и националистичкиот Шин Фејн.
За премиерка на новата влада, како што од вчера стана извесно, избрана е шефицата на ДУП, Арлин Фостер. Таа на истата должност беше и пред распадот на коалицијата во 2017 година.
Мишел О’Нил од Шин Фејн ќе биде вицепремиерка на владата.
Двете партии, со посредништво на британската и ирската влада, вчера се договорија и со тоа ја надминаа тригодишната блокада која земјата ја остави со серија нерешени прашања и се поголема криза во јавниот сектор.
Северна Ирска беше без функционална управа откако во 2017 година заради неуспешниот проект за зелена енергија се распадна системот на поделба на власта што беше воспоставен во 1998 година.
Спорот меѓу ДУП и Шин Фејн наскоро се продлабочи и на пошироките културни и политички прашања кои и онака ги делат унионистите и националистите. Со Белфаст од јануари 2017 година управуваа државни службеници со ограничени надлежности за донесување важни одлуки.
Сето ова падна во сенка на Брегзит-от што следи, а кој ќе има сериозни последици врз границата на Северна Ирска и Ирска. Северна Ирска е единствената британска копнена граница со некоја членка на ЕУ, а Брегзит во прашање ќе го доведе статусот на невидливата граница и може потенцијално Белфаст да го турне во подлабока прегратка на Ирска.
Заради тоа и ДУП и Шин Фејн сакаат да се прашуваат за сите следни случувања.
