Министерката за финансии Нина Ангеловска ѝ посака добредојде на дополнителна заменик министерката Гордана Димитровска Кочоска.
„Првичен состанок за добредојде со дополнителната заменик министерка Гордана Димитриевска Кочоска и заменик министерката Ширет Елези. Поразговаравме за периодот кој следи, за претходните искуства во реалниот сектор. На крајот на денот верувам дека сите го сакаме најдоброто за нашата земја, економски раст и прогрес“, напиша на фејсбук Ангеловска.
Димитриевска Кочоска професионално е ангажирана како финансиски консултант во областа на контролинг и финансии. Претходно работеше во Стопанска Банка, во Македонски Телеком во секторот на даноци, во Министерство за финансии во Секторот за јавен долг, а беше дел и од АД ЕСМ како директорка на финансии.
