Жирито и публиката на популарното шоу „Америка има талент“ се воодушевуваа од точката на двајца акробати – маж и жена. Но, вистинскиот шок настана кога акробатот ја испушти партнерката додека беа на трапез на голема височина.
Полуслепиот Тајс ја испушти од раце својата сопруга Мери додека висеа на трапез по што таа падна на сцената. Кога му се лизна од рацете, Тајс се обиде да ја фати за стапалото, но не успеа. Во публиката биле мајка ѝ на Мери и двегодишниот син.
За среќа, Мери паднала на сунѓер што ѝ го ублажил падот. По падот, таа станала и ѝ се поклонила на публиката по што добила аплауз.
