Пејачката Наташа Беквалац, како што јавуваат српските медиуми, поднела кривична пријава против сопругот Лука Лазукиќ кој синоќа брутално ја претепал.
Медиумите пишуваат дека таа поднела и барање за развод за што поскоро да ја заврши драмата, а ќе бара и старателство над нивната едномесечна ќерка Катја. Лука Лазукиќ е уапсен, а се очекува дека ќе му биде одредено задржување од 48 часа, а потоа и притвор поради опасност од повторување на делото.
Инцидентот се случил утринава околу 4 часот кога Лука се вратил пијан дома. Наташа му пронашла љубовни пораки, по што започнала расправија во која Лазукиќ физички ја нападнал пејачката удирајќи ја со рацете и нозете.
Беквалац, според извори на српските медиуми, покрај видливите модринки и гребаници, доживеала и потежок потрес на мозокот.
